Hvað sagði maðurinn?

Heilum mánuði og fimm dögum síðar sit ég í sömu stellingum og áður, inni í appelsínugula herberginu og blogga.

Hvað hefur gerst síðan síðast? Kannski ekki svo ýkja margt en eitthvað þó.

Fór til Hollands og Belgíu í nóvember og keyrði 9 manna bíl á milli hótela og fyrirtækja. Ferðin var vel heppnuð og allir komust lífs af. Það sem stendur upp úr eftir ferðina er setning sem ég greip á lofti frá manninum sem er meðlimur í litafélaginu (félagið sem ákveður hvaða litir eru í tísku): ,,Black is not a color, its an atmosphere".

Vá hvað sumir eru spakir...

Annars er dóttir mín við það að byrja að ganga. Ég býst við skrefum um jólin. Þessi elska er líka að læra að sofna sjálf og er bara nokkuð dugleg. Fyndið hvað menn geta alltaf talað um börnin sín þegar þeir hafa lítið fram að færa. Já og veðrið.

Hvað segirðu, helvíti er hann kaldur... Já og svo prílar þetta skott upp um alla veggi... Ég vona nú bara að hann snúist ekki í austanátt...

Talandi um pólitík. Ég vildi bara láta ykkur sem ekki vitið það nú þegar að það fólk sem er á móti því að Ísland sé á lista yfir staðfastar þjóðir eru meinfýsnishlakkandi úrtölumenn samkvæmt utanríkisráðherra, hæstvirtum.