Fáein orð um 18. október.

Það er norðanbál hér í appelsínugula herberginu að Varmá, enda fátt á milli mín og Esjunnar nema þá helst Nóatún, búðin sem styrkir ekki hvaða málgagn sem er hér í sveitinni.

Það þyrfti nú að fara að athuga þessa glugga hérna. Án gríns. Það eru alla vega 5 vindstig hérna inni. Tókuð þið eftir því, ég nota ekki metra á sekúndu. Ég er bara ekki dómbær á þau vísindi. Þá gæti ég allt eins talað um hveiti í únsum og bensín í gallonum.

Fór upp í Reykholt í dag og mátti þakka fyrir það að komast heim aftur. Lentum í grjótfoki á leiðinni í gegnum Kollafjörðinn við Esjurætur.

Svo er tvítennta dóttir mín búin að vera svo stúrin. Veit ekkert hvað hún vill, við höldum að hún sé með sólsting. Kannski ég fari að opna síðu á barnalandi fyrir hana. Svona til að geta lagt henni blogg í fingur.

Mér er kalt á tánum.